Wednesday, March 31, 2010

М.Задорновын ярианаас

М.Задорнов

ИНЭЭДМИЙН БАЯРЫН МЭНД ХҮРГЭЕ
ХУДЛАА ДӨРВӨН САРЫН НЭГЭЭН

ҮНДЭСНИЙ ҮЗЭЛ
Нэгд германчуудын ёсорхог зан, хоёрт тэдний машины үйлдвэрлэлээрээ үргэлж бардамнаад байгаа нь орос эрийн хор шарыг дэндүү хөдөлгөдөг байв. Эвий чааваас орос ах би "УАЗ-69"-өөрөө бахархдаг гэлтэй биш дээ. Тэгээд тэр тэссэнгүй.
-Та нар чинь юундаа Мерседесээ цаг үргэлж магтдаг байна аа? За яахав, надад “Бенц-600” бий л дээ. Тэгэхдээ би жишээлбэл, багажнаасаа автийрх аваад, тэр муу ямбийгаа цоо хатгасан ч чадна, ойлгов уу? гэв. Герман найз нь ч эгдүүцэж,
-Чи чадахгүй. Би л лав итгэхгүй. Мерседес чинь дэлхийн хамгийн нэртэй пүүс шүү дээ! гэж байна гэнэ. Тэгэхээр нь орос эр сэргэлэнтэхээр шийдэж,
-Мөрийцөх үү, тэгвэл? 1000 доллараар шүү! Зөвшөөрнө биз? гэлээ.
-Тэгье! Барьчих уу, тэгээд? гэж герман залуу баярлав. Германы машин үйлдвэрлэлийн бахархлыг ингэж доромжлоно гэдэгт тэр яагаад ч итгэхгүй учраас тэр шүү дээ. Түүний нүдэнд зүгээр л хийсээд ирж байгаа мянган доллар нь харагдаж байлаа. Гэвч хөөрхий орос ахын ухааныг мэдэхгүй учраас л тэр шүү дээ.
Орос эр “Бенз-600”-гийнхаа орой дээр дэвхэрч гараад, хамаг хүчээрээ бүлж гарлаа. Машины нь дээвэр өм цөм үсэрч, олон нүх гарах нь тэр! Герман залуу ч цонхийтлоо цайж, 1000 доллар сарвайлаа. Харин орос ах тэндээсээ холдмогц, авто засварын газар луу ухасхийж ороод, машиныхаа оройн цоорхойтой хэсгийг зүсүүлж аваад, ердөө л 300 доллар төлж, тэр хэсэгт нь люк тавиулчихаж байгаа юм даа!

ХҮҮХЭЭД, МАЙ ЭНЭ СТАКАН АВ!

Нэгэн эмгэн оршуулгын газраас цэцэг хулгайлдаг байв. Тэтгэврээр аж төрж болох биш дээ чааваас. Тэгээд л ийм "бизнес" бодож олсон хэрэг.
Нэгэн өдөр “бизнес"-тээ хэт улайраад
ардаа байх, шарилын шинээр ухсан нүхийг анзааралгүй уначихжээ. Унасан нүх нь дэндүү гүнзгий байсан тул яаж зүтгээд ч гарч чаддаггүй гэнэ. Тэгээд яахав дээ, жаахан идэх юм авч гарсан минь яамай даа гэж бодож. Шарилын нүхний ёзоорт алчуураа дэлгээд, ганц шил тараг, тостой талхаа гаргаж тухаллаа. Ерөнхийдөө цэвэр агаараар гүнзгий амьсгалж, идэх уухаасаа таашаал авсан шиг ээ суув. Хэн нэгэн ойруур өнгөрөхийг хүлээж байгаа нь тэр.
Орой болтол хэн ч ирсэнгүй. Тэгтэл харанхуй болохын үест хоёр нөхөр хүрч ирэх нь дуулдав. Шарилын дэргэд ирж, тухлан суугаад ууж эхлэв.
Хөөрхий эмгэн хоёр эрийг яаж эвтэйхэн гуйвал намайг татаж гаргах бол доо гэж бодов. Хоёр эр ярьж байна гэнэ.
-Чи ганц татчихаач.
-Уувал ч уучихмаар л байна. Даанч шилээр нь уухаар явахгүй юм аа. Хундагатай ч болоосой гэв. Тэгтэл яасан гэж санана. Гэнэт газар дороос хүн дуугарч, стакан барьсан эмгэн хүний хатингар гар гарч ирснээ,
-Хүүхээд!.. Май энэ стакан ав! гэлээ.
Хоёр эрийн нэг нь тэр дороо ухаан алдан унаж, нөгөө эр архи авсан хүнсний дэлгүүр хүртлээ гүйснийхээ дараа л нэг юм ухаан орсон гэдэг.


Хөрвүүлсэн А.Амарсайхан

Monday, March 22, 2010

Монгол гайхамшиг

"ТВ-9" сувгаар "Формула-1"-ийн тэмцээн гарч ар монголын алдарт тайлбарлагч залуу тайлбарлаж байна гэнэ.
-За агуу их Шумахер л ингэж явж чадна шүү дээ, эрхэм хүндэт үзэгчид ээ. Агуу Шумахер шүдээ зуугаад, хаазаа тултал гишгэж байна. За энэ чинь юу болох нь энэ вэ. Баянбүрдийн чиглэлд явдаг улаан Балдан микротойгоо зам руу ороод ирлээ. Агуу их Шумахерийг гүйцлээ. Түүгээр ч барахгүй замдаа зогсож зорчигч авч байна. Нугасандаа дөрвөн бүдүүн эмээг чихлээ. Ухасхийлээ. Өө золиг оо, замын цагдаа шүгэлдлээ. Зогслоо, торгууллаа. Цаг явсаар. Шумахер талийж өгчээ. За арайхийж улаан Балдан хөдөллөө. Хаазаа тултал гишгэж байна. Агуу их Шумахерийг гүйцлээ. Барианд түрүүлэн орж ирж байна. Монголын тамирчин улаан Балдан агуу Шумахерийг тоосондоо булж алтан медаль хүртлээ!
Энэ бол монголын бахархал, монголын гайхамшиг, эрхэм хүндэт үзэгчид ээ.


Блог бичдэг хүмүүст монгол хэлний хичээл орж байна. Багш оньсого таалгав гэнэ.
-Шилэн нүдээр ширтэж ширтэж ширхийлгэнэ. Ширхийлгэсний дараа шинэ зууны хүн бүхэн таны гэгээн дүрийг дурсан санана. Тэр юу вэ? Женни, Бек, Мика, Амараа ах дөрөв гараа өргөв.
-За, Женни хэл дээ.
-Гэрэл зурагчин, зураг дарж байна багш аа!
-Зөв байна, суу. Онц. Тэгтэл Амараа ах тэндээс ууртай гараа өргөөд,
-Буруу байна аа багш аа гэж хашгирав.
-За тэгвэл юу вэ, хэл дээ Амараа ах.
-Хөлсний алуурчин, хүн чадхийлгэж байна, багш аа.

Wednesday, March 17, 2010

Гэрлээ унтраа


2010 оны З дугаар сарын 27. Хүн төрөлхтөн уур амьсгалын өөрчлөлтийн эсрэг нэгэн санаа, зорилготой байгаагаа илтгэн харуулах томоохон үйл явдал энэ өдөр тохиож байна. Олон зуун сая хүн өөрийн эв нэгдлээ илэрхийлэн энэ өдөр гэрлээ нэг цагийн туршид унтраахаар шийдээд байна. 2010 оны Эх дэлхийн цаг хэмээх энэхүү үйл явдал нь хүн болгон нэгдэн орж дэлхий нийтээр нэгэн санаатай буйгаа харуулах боломж юм. Энэхүү үйлсэд нэгдэн 2010 оны 3 дугаар сарын 27-ны өдрийн оройн 8.30- 9.30 хооронд гэрлээ нэг цагийн туршид унтраана уу.

Thursday, March 11, 2010

Сээгсийн онол

Сээгсийн онолын тухай сэмнойрд сууж байгаад ирлээ. Тэнд болсон ярианаас та бүхэндээ сонордуулъя.


-Нөгөө ажил дуусангуут үхтлээ амьсгаадаж, хөлөрсөн бүсгүй тэр дороо нам унтаж байвал чи өөрийгөө энэ ажилдаа гайхамшигтай сайн гэж бод.
-Би тэгвэл агуу гайхамшигтай юм байна багш аа.
-Яагаад?
-Надтай сээгсдэж байгаа бүсгүй бүр ажил дуусах яагаа ч үгүй байхад хурхирч эхэлдэг юм.


Сургалтан дээр сууж байсан мянгат малчнаас багш асуув.
-Сээгсийн тухай та юу боддог вэ?
-Ээ багш минь. Та надад онол судлах зав гардаг гэж бодож байна уу? Би чинь найман хүүхэдтэй хүн. Одоо ес дэх нь гарах гээд байна.

Thursday, March 4, 2010

Сонины мэдээ

Сонины мэдээ
Өчигдөр УИХ-ын хаврын чуулганы нээлтийн хуралдаан руу зэвсэглэсэн 76 луйварчин дайран оржээ. Тэд их хурлын даргаас хоцорсныхоо төлөө уучлалт гуйгаад суудалдаа сууцгаасан байна.

Монгол заншил
Зам барихдаа заавал талыг нь иднэ. Идсэн мөнгөөрөө ёр юм шиг үнэтэй жийп авна. Үнэтэй жийпээ муу зам дээрээ ёс юм шиг эвдэж дуусгана.

 

Copyright 2007 All Right Reserved. shine-on design by Nurudin Jauhari. and Published on Free Templates