Monday, June 29, 2009

ДЭНДҮҮ СИЙРҮҮ ТОЛГОЙ

Михайл ЗАДОРНОВ

Манайхны хоёр залуу хөдөөгийн нэгэн замаар хоёр дугуйтаараа салхи исгэрүүлж явж л дээ. Хотын цаахнатай байх уулзвар дээр тэднийг цагдаа зогсоогоод төрийн хүнд байх ёстой төрхөөр ширүүн гэгч асуув.
-Яагаад хамгаалах дуулгагүй явж байдаг билээ? Ер нь хамгаалах дуулга гэдэг чинь, нөхөд минь, ачааны тэрэгний жин дарах цохилтыг даадаг юм. Дуулгагүйгээр хөдөлгөөнд оролцоно гэдэг чинь аюултай! гэхчлэн бүхэл бүтэн цагийн хичээл уншаад, мэдээж хэрэг торгож л дээ.
Торгуульд хэдэн юм алдсандаа нөгөө хоёр жаахан гутраад, цаашаа давхижээ. Төрөлх тосгондоо хүрээд, ажлаа амжуулчихаад буцах болов. Мэдээж нөгөө л замаараа шүү дээ.
-Тэр муу цагдаа дахиад л бид хоёрыг торгоно доо. Тосгоныхоо хаанаас нь дуулга олох вэ? гэж залуус бодол болов. Нэгнийх нь дэндүү сийрүү толгой тэр дороо ажиллав гэнэ.
-Хөөш, миний цүнхэнд усны бөмбөг байгаа. Яг дундуур нь зүсэж хуваагаад, толгойдоо углачихъя. Муу тэнэг цагдаа холоос хараад хамгаалах дуулга л гэж харна шүү дээ гэх нь тэр.
-Тэгье. Миний хөгшний сийрүү толгойг уу? Дэндүү шүү! гэж цаад нөхөр нь дуу алджээ.
Таллаж зүссэн бөмбөгөө толгойдоо углацгаав. Хийсчихэж мэдэх тул туузан наалтаар хүзүүгээрээ бүчлэн нааж тогтоов гэнэ. Манайхан туузан цавуугаар юуг л эс наадаг билээ дээ.
Ингээд давхицгаалаа. Тал бөмбөгөөр хийсэн уран бүтээл нь дуулгатай тийм ч адил харагдахааргүй байсан тул дэндүү сийрүү толгойт хаширлаж,
-Дуулга дээрх эржгэр бижрүүг тэр муу хог харчихаж магадгүй. Цагдаагийн хажуугаар гарахдаа хурдаа огцом нэмээрэй, ойлгов уу? гэжээ.
Цагдаагийн хажуугаар гаран алдаж явтал нэгнийх дуулга нь хийсээд явчих нь тэр. Бүр тэгэхээс тэгэх гэсэн юм шиг нүдний нь өмнө шүү. Цагдаа сонор сэрэмж гэж аюул хүн тул тэр дор нь шидэт дохиураа өргөлөө. Мэдээж өглөөний торгуулиар олсон юмаараа жаахан найрлаад зуу татчихсан учир хэн нэгэнтэй ярихыг маш их хүсэж байсан хэрэг. Энэ удаа яагаад дуулгагүй явж байгааг зүгээр л асуугаад өнгөрсөнгүй, хамгаалах дуулга бол ачааны тэрэгний жинд хүрэх цохилтыг даадаг тухай өнөөх хичээлээ дахин уншив! Уншаад ч зогссонгүй амьд үзүүлэн дээр харуулахаар шийдэж,
-За, чиний найз дуулга өмсчээ, их сайн байна. Дуулгатай болохоор ямар ч цохилтыг даана гэсэн үг. Харж бай!
Ингээд л шидэт дохиураа далайж далайж, байдаг хүчээрээ хөөрхий залуугийн бөмбөгтэй толгой дээр байлгаад авах нь тэр! Дуулгатай тун адилхан харагдаж л дээ.
Үр дүнд нь дэндүү сийрүү толгойт маань сэхээний тасагт жаахан хэвтээд, тархи хөдөлсөн гэсэн оноштой, насаараа ярьж хүн инээлгэх сайхан паянтай болоод гарч ирсэн байгаа юм даа.

Хөрвүүлсэн А.АМАРСАЙХАН

23 comments:

Arsun said...

Хаахаха

Anonymous said...

hi, ene neg omno ni unshij baisan oros zohioltoi ijil yum shig sanagdaad baikh yum. anduursan bol uuchilaarai

Dosu said...

hehe yasna hetsuu hereg ve

A.Амарсайхан said...

Арсунд:
Хээхэхэ

Анонимд:
Орос л зохиол шүү дээ. М.Задорновын зохиолыг орчуулснаа, зохиогчийг нь бичиж байгаад л нийтэлж байна. Дээр нь Задорнов гээд байгаа нь харагдахгүй байна уу?

Намайг бас уучлаарай. 60 ангит кино зохиол дээр сууж байгаа болохоор өөрөө юм бичих завгүй, зав гаргалаа ч ухаан санаа нөгөө л кино руугаа өөрийн эрхгүй явчихаад байна аа. Энэ хэдэн жилийн өмнө Тоншуул сэтгүүлд орчуулж нийтэлж байсан хөгжилтэй тохиолдол юм л даа.

Досуд:
Монголд бол хэцүү хэрэг биш, 1000 төгрөгөөр л бариулчихна л даа. Оросод тархи хөдөлбөл хэцүү. Нугасны ус аваад балай л болгож байж сална шүү дээ.

Эрдэнэ said...

Хуурамч дуулгаа хийсгэсэн нөхөр найзыгаа ганц сайн баллажээ. Тэгээд ч цагдаа нь ачааны машин шиг хүчтэй цохидог цоглог эр байна.
Өөрөө 60 ангит кино зохиол дээр суусаар байгаад өмхийрүүлж байгаа юмуу? Ухаан санаа өөрийн эрхгүй явчихаад байна гэхийг бодоход.

ЗОРИГТ8 said...

ямар өөдгүй цагдаа вэ...

PUZL said...

Мэхт мэхэндээ. Хахаха.

A.Амарсайхан said...

Эрдэнэд:
Ухаан санаа өмхийрөхгүй ээ. Киногоо дуусгамагцаа шог өгүүллэгээ бичээд эхэлнэ.

Зоригтод:
Ийм цагдаа оросод хэвийн үзэгдэл болоод байтал, цагдаа нараа бэлэн мөнгөөр торгодгийг нь болиулчихсан чинь замын цагдаа хийх хүн олдохоо байчихсан гэдэг.

Пазлд:
Уул нь толгойгоо их ажиллуулсан. Даанч ийм вариант байж болохыг тооцоолж сийрч чадсангүй л дээ.

3apaa said...

ха ха ха...

PUZL said...

Тийм юм, тийм юм. Өөдөө хаясан чулуу өөрийнх нь толгой дээр ойчихыг бүрэн дүүрэн тооцоолоогүй байж.

Anonymous said...

Хөгжилтэй юм аа

A.Амарсайхан said...

Зараад:
хи хи хи

Пазлд:
Тийм ээ.

Анонимд:
Задорнов ингэж хөгжилтэй тохиолдлуудыг их цуглуулдаг. Хүмүүс түүнд их ирүүлдэг юм билээ. Би яваандаа завтай болохоороо блогтоо ийм булан нээе гэж бодоод байгаа.

Amgaa said...

100% цагаадгийн буруу байна ш дэ

A.Амарсайхан said...

Амгаад:
Замын хөдөлгөөний дүрэмд "Резинэн бөмбөг тайрч хамгаалалтын малгай болгон өмсөхийг зөвшөөрнө" гэсэн заалт оруулахаас дөө, тэгвэл.

Gansukh B said...

Дэндүү сийрэг толгойг цохиж нягтруулж өгчээ.

БАЯРЖАРГАЛ said...

haha

A.Амарсайхан said...

Гансүхд:
Тийм л болж таарч байна

Баяржаргалд:
Хихи

bujigchin said...

kk teneg tsagdaa ni tsohiod baihdaa yahve dee

Оогий said...

Дэнж хотойтол Сайхан наадаарай :-)

Жаагий said...

Дэлгэр зуны нарлаг өдрүүдээр
Дэнж хотолзуулан сайхан наадаарай!

tumee 33 said...

Saihan naadaj baina uu?bayariin mend!

Unknown said...

Нээрээ нэг начин найрах комисс ч бил үү нэг юм уншсан таных уу тэ.

A.Амарсайхан said...

Бүжигчинд:
Буудсан бол яана?

Оогийд:
Баярлалаа. Сайхан наадчихжээ.

Жаагийд:
Баярлалаа. Хотолзсоон.

Түмээд:
Баярлалаа. Чамд ч гэсэн өнгөрсөн баярын мэнд.

Сумъяад:
Тийм. Өнөөдөр сониноос утасдаад наадмын наргиадаа тавья гээд байсан

 

Copyright 2007 All Right Reserved. shine-on design by Nurudin Jauhari. and Published on Free Templates