Monday, March 9, 2009

НАЙРАГЧИЙН ХАЙР

/егөөдөл/
Би судлаач хүн л дээ. Наян жилийн турш шүлэгч найрагчдын хайрын хандлагыг дагнан судалж байна.
Уншаад байтал, “Халиун согоо шиг хөөрхөн чамдаа Хангайн буга шиг би чинь ирлээ... Марал буга шиг чамайгаа...” гэхчлэн бүсгүй хүнийг эм хүйсийн бугатай зүйрлүүлсэн шүлэг найраг тун олон юм. Сайхан бүсгүйг согоо хэмээн магтлаа гээд бод доо. Бүсгүйн сайхныг магтах гээ юу, эсвэл согоог сайхан гэх гээд байна уу? Захын нэг муу согоо хамгийн гоо амрагаас нь илүү царайлаг санагдаад байгаа учраас, амраг минь согоо ч байсан болоосой гэж найрагч харууссан байна. Найрагчид эмэгчин бугыг гуа сайхны дээд хэмээн шүтдэг, түүнд бүсгүй хүнээс илүү хайртай байх нь.
“Моторын дуу” киноны Даржааг санацгаая. Ханан дээр хадсан галбир гуа эмэгтэйн зургийг хараад “Намрын шаргачин шиг сайхан амьтан аа!” хэмээн дуу алддаг. Яг үүн шиг бүсгүй хүний гоо сайхныг намрын шаргачингаар зүйрлэн илэрхийлсэн шүлэг зохиол бас л цөөнгүй. Тэд намрын тарган шаргачингийн гуя хасыг хараад гижиг нь хүрч, тэсч ядан тэчъяаддаг гэсэн үг. Зохиолчдын жин дарах хэсэг нь эмэгчин зээрэнд унаж тусдаг болж таарах нь.
Чононгоо хэмээх дууг цэцэрлэгийн мөлхөө ангийн багачуудаас эхлээд, тэтгэврийн суугаа дамжааны өтгөс уяран сонсож байна. Энэ дууг зохиогч нь хатагтай чонод яалт ч үгүй ухаан алдан дурлажээ. Хамгийн ялдам энхрий эмэгтэй түүнд гичий чонын үзэсгэлэн гоог санагдуулж байна шүү дээ.
Амьдралд тар түрхийх явдал байлгүй яахав. Амрагаа матартай зүйрлэн сэтгэл хөдлөлөө илэрхийлэх яруу найрагч мэр сэр байдаг. Хэрэг дээрээ тэд матрыг боддог гэдгээ өөрийн мэдэлгүй илчилжээ. Манай яруу найрагчдаас хар тивд очиж матарт бариулж нас нөгчсөн дуулдвал, хөөрхий, хайр сэтгэлдээ шатаад гүйж очсоныг цаад тэнэг эм матар нь ойлгосонгүй гэж бодоорой. Харь улсын матар монгол хэл мэдэхгүй шүү дээ, чааваас.
“Хун цэн шиг бүсгүйтэй Хуртай зунаар учирлаа” хэмээн нэгэн яруу найрагч дуу алджээ. Яасан овсгоотой, цог зальтай эр вэ? Тэнгэрийн жигүүртнийг газарт унатал нь хошгируулсан байна! Энэ баримт яруу найрагчид хурмастад цойлж, жигүүртэнд хайраа илчилдэг болохыг нотолж байна. Гэтэл энэ юу ч биш аж.
Бас нэгэн шүлэгт “Дэнгийн эрвээхэй шиг тогтворгүй Дэндүү хөнгөмсөг бүсгүй чи...” гэсэн нь бий. Энэ баримт судлаачдын толгойг олон жилийн турш эргүүлж байгаа. Найрагч эрвээхэй хоёр хэрхэн яаж биенээ таалах вэ? Найрагчдын бие эрхтэн хэт жижгэрч байна уу, эсвэл эсрэгээрээ эрвээхэйн бие хаа аварга том болоод байна уу? Учрыг олох тун ярвигтай. Ийнхүү найрагч эрвээхэйд хайртай болохыг баталсан нь шинжлэх ухаанд томоохон нээлт болсон юм.
“Учиг сүвлэх сүмбэн хуруу Уянга өргөх лимбэн хуруу” гэх найргийн мөрүүд юуг өгүүлнэ вэ? Амьтай голтой хүний хурууг хөх төмөр, хөндий модоор орлуулна гэсэн үг. Энгийн эрчүүд энхрий ялдам хуруугаар илбүүлж таалуулан хайраа илчилдэг байхад, найрагч эрчүүд хурдан бууны сүмбэ, хулсаар цоргисон лимбэ хоёроор маажуулан уярдаг болж таарах нь, ээ бүү үзэгд! Араатан жигүүртэн яая гэх вэ, эд хогшилд хайр сэтгэлтэй болох гэдэг чинь юу гэсэн үг вэ?
Тэднийг харсан сайхан бүсгүй болгондоо дурладаг, хүүхэмсэг гэлцдэг. Энэ бүх яриа шинжлэх ухааны үүднээс няцаагдаж байна. Найрагчид хүүхэмсэг биш, согоосог, шаргачинсаг, гичийсэг, матарсаг, хунсаг, эрвээхэйсэг, түүгээр ч барахгүй сүмбэсэг, лимбэсэг хүмүүс ажээ.

27 comments:

Pearle Deppsu said...

Янзаган цээж гээд байдаг найрагчид одоо янзаганд дуртай байдаг байх нь ээ.

Амьтны үр төл сонирхоноо гэдэг бас эвгүй байна шүү тээ.

Badka said...

Муусайн бестиалистууд, зоосадистууд гсн :)

A.Амарсайхан said...

Дэрсүд:
Насанд хүрээгүй янзгыг садар самуунд уруу татсан хэрэг үүсэх юм уу даа

Бадкад:
Инээж бичиж байгааг чинь харлаа. Манай нэг найрагч найз утасдаад "Битгий хүн доош нь хий" гээд инээгээд байна. Хариу инээлээ. Тэгтэл мань эрд бас ийм шүлэг байдаг гэнээ.
Наргиагаар ч байлаа гэсэн найзыгаа цаагуураа хийгээд байна уу? гэнээ.

Mongolhuu said...

Ha ha Javhlan giin duuldag Chonongoo neg tomhon jishee yum daa

anand said...

Энэ бүтээлүүдийг нь хэд хэдэн хэл дээр орчуулах гээд үзвэл?
Тэрнээс гадна эрчүүдийг ямар амьтантай зүйрлэсэн байдаг билээ???
Ёоо элэг аваад хаячих юмаа зүгээр...
хаана ч билээ гадаадад нэг монгол залуу ээжийнхээ тухай дуу ажил дээрээ дуулсан чинь юуны тухай юм гэж. ээжийнхээ мээмний талаар бас сүү энэ тэр гээд. Тэгээд маргааш нь гэхэд ажлаас нь халсан гэсэн. Гаж донтой амьтан байна гэж бодсон биз.хөөрхий. нээрээ манайхны зүйрлэл ууг нь сонсоход гоё ч заримдаа үнэн халилттай шүү.

ЗОРИГТ 8 said...

Хүмүүний амьтанлаг, араатанлаг зан чанараа гэж...
"Хун цэнгийн хайр" гэж ямар хайр байна вэ Амараа ахаа...
Хун цэнгийн хайр минь
Хуур аргадсан сэтгэл минь
Хонгор минь хоёулаа
Хос хун шиг жаргая даа гээд л дуулаад байхийн...

ITISMOVIE said...

Нацагдоржийн билүү Мөнгөн аяга шиг гараас чинь туулын усыг амсах юмсан гээд. Зүйрлэл нь бас гайхалтай шүү.

sanakae said...

хэхэ Эмэгтэй найрагч бол эрчүүдийг юу гэж дуудах уу.
Хөвчийн хар, Туяхан согооноо :P
өөр чинь юу билээ

arsun said...

Улс төрчид төмөр хатагтай гэнэ.

Badka said...

Монголчууд утга уянгын юмандаа сайн, түүндээ ээнэгшин амьдрах дуртай тул зарим хэсэг нь амьтантай явалдах хүртлээ уянгалалдах юмаа хаха

A.Амарсайхан said...

Монголхүүд:
Эмэгтэй чононд хайртай болсон нэгэн бичжээ дээ.

Анандад:
Бид сурчихсан, ингэж зүйрлэдэг болохоор болоод байдаг байх аа. Гэхдээ маш сайхан сонсогддог шүү дээ. Надад л лав ийм зүйрлэлүүд чихэнд чимэгтэй сонсогддог. Би шүүмжлэх гэж бус егөөдөх гэж л бичсэн юм л даа.

Зоригтод:
Наадах чинь харин авангард хайр байна.

Итсмүүвийд:
Явуухулан гуайнх. Гайхамшигтай сайхан зүйрлэл.

Би шүүмжлэх гэж бус егөөдөх гэж л үүнийг бичсэн юм аа.

Өчигдрөөс хойш утасдаж их эмзэг хүлээж авч байгаа хүмүүс байна аа. Шүлэг найраг бичдэг найз нараас минь ганц хоёр нь ирж агсам тавина гэсээн.

Санакаед:
Азарга шиг л гэх байлгүй дээ.

Арсунд:
Харин наадах чинь дэлхийн зүйрлэл шүү.

Бадкад:
Нэг талаас нь харахаар тийм болчихоод байна аа. Сайхан хүүхнийг согоо гэж буй нь согоо хүүхнээсээ сайхан уу? Хүүхэн нь сайхан уу? гэсэн асуулт ургуулаад байгаа юм л даа.

Гэхдээ ингэж ярьж бичээд сурчихсан юм чинь яах вэ. Сайхан л сонсогддог.

amor said...

сайхан л зүйрлэдэг найрагчид.
та ч бас их л эвтэйхэн хэлж хэхэ.

Жаагий said...

He he. Ee dee ene nairagchid uu?

Anonymous said...

Нээрээ бид их онцлогтой ард түмэн юмаа.Биднийг ойлгоход ер нь гэцүү.
Гоё ч юм шиг.
Тэр хуур аргадна гэдэг... бодвол морин хуур байх.те? Бодоод л байна. Сэтгэлээ хуурыг аргадаж байгаа байдалтай болгох гээд нүдээ аничихаад, бас зүрхрүүгээ анхаарах гээд.Та нар нэг төсөөлөөд аргадах гээд үз дээ. Эсвэл нэг тийм зөөлөн сэтгэлийг хэлээд байгаа юм болуу?

Bum said...

Ushuu jaahan zadlaad yav l daa Amaraa. Id goyo bolj baihad zogschihloo

A.Амарсайхан said...

Аморт:
Эхлээд бэлгийн чиг хандлага гэсэн байсан юм. Тэгтэл найз нар уурлаад байхаар нь хайр болгож эерүүлж засч бичлээ. Одоо дахиад засч бичиж байна. Арай өөр болгоод.

Жаагийд:
Хүн болгон найраг бичдэг юм шүү дээ. Хи хи

Анонимд:
Онцлог ихтэй шүү нээрээ

Бумд:
Засаад бичиж байна. Өчигдөр эхэлж байтал ажил гарчихсан. Өнөөдөр орой тийшээ шинэ засвараа оруулчих байх аа.

Anonymous said...

Ymar dogi goe bichee ve Ter shulguud unshihad saihan baidag ch ooriin chin bichsen bas saihan boljee ineedtei ymaa

A.Амарсайхан said...

Анонимд:
Тийм шүү, оносон зүйрлэл уншихад сайхан. Сонсголонтой

artgaa said...

Юу вээн Амараа аха. Тэднүүс чинь их л тийм үстэй нүүр, цээж мээжинд л дуртай улс гэж бодсышд ви.

A.Амарсайхан said...

Артгаад:
Тийм байх өө. Надад л лав тэгж санагдаад

алтаргана said...

хаха нээрээ л ... долгор шиг сайхан хүзүүтэй, дулмаа шиг гоолиг биетэй гэлтэй нь биш, хүнийг хүнтэй зүйрлэх нь хаашаа юм ...тэдний зөв шүү

A.Амарсайхан said...

Алтарганад:
Зүйрлэл хэрэгтэй мөртлөө, ухаад бодоод байхаар но-той болчихож байгаа юм аа

Badman said...

Цэцэг ичээм хөөрхөн чамайгаа
Цээжин дотроо жаргааж явий даа ч билүү бас дуулаал байна цаад караокед чинь. Хүнээс ичдэг мундг цэцэг хаагуур ургадын бол. Царайлаг амрагаас нь болж цэцэг ичсийн бол уу эсүүл ийм царай муутай хүн байх гэж төлөөнөөс нь цэцэг ичсийм уу бөө мэд ээ

A.Амарсайхан said...

Бэдмэнд:
Намайг харсан цэцэг ичингүйрээд буруу хараад байдаг юм. Би царайлаг байх нь

TaTah said...

mgl.chuud byd ertnees ter zuirleldee iluu sain bsiim shig bgaam ternees direkt busad uls shig honeyyyyyyyy sweetieeee, angel, lover geh met enhriileh ug tun baga shd, ymar saindaa "hairaa, nzaa, hogshoo" ged dongoj 30 garanguuut shog duudaj baihuude, kkkkkkkkkk..

Anonymous said...

uuchlaarai, ta hoshin mayg oruulj amitani zuirleliin talaar bichij baih shig baina, gehdee nadad arai genen, hoshin gehed hetsuu boljee. zuirlel ni ali ch helend baidag uzegdel. tanihuin shinjleh uhaani uudnees uzvel hun bodit oilgoltoos hiisver, meddegeesee meddegui ruugee yvdag uil yvst bolohoor bid odor tutmiin amidral bolon ter dundaa yruu nairag, uran zohiold orgon heregledeg. ene ni helnii uran yruu ilerhiileliin neg ilrel ch gej bas uzdeg. tiimees interneteer iim maygiin onigoo um ch um u esvel zaluusiin tolgoig erguuleh bodrol baga bichvel zugeer sanagdaj baina.

Rachelkuhf said...

Артгаад: Тийм байх өө. Надад л лав тэгж санагдаад

 

Copyright 2007 All Right Reserved. shine-on design by Nurudin Jauhari. and Published on Free Templates