Tuesday, February 27, 2007

ҮНДЭСНИЙ ҮЙЛДВЭР ХӨГЖҮҮЛСЭН ТЭМДЭГЛЭЛ

(шог өгүүллэг)
1 дүгээр сарын 8-ны Балжиннямтай сайн өдөр.
Нийслэлээс мянган бээрийн алс бөглүү манай суманд түүхт үйл явдал болж, миний бие битүү тэвнийн “Ган тэвнэ” үйлдвэрээ нээлээ. Тууз хайчлахын өмнө сумын засаг дарга хоолой засаад,

-Миний сумын ард иргэд ээ! Үндэсний үйлдвэрлэлээ дэмжихээр миний мөрийн хөтөлбөрт заасны дагуу нэгэн шинэ үйлдвэр үүд хаалгаа дэлгэж байна. Цаашдаа мянга мянган ийм үйлдвэр манай суманд цэцэглэн хөгжих нь дамжиггүй гэж хэлэхэд хөдөлмөрчид удтал алга нижигнүүлэн ташиж, энэ хооронд дарга тууз хайчилж оргилуун дарс түсхийтэл буудсан билээ. Сумын засаг дарга тэргүүтэй бүх дарга нар хүрэлцэн ирж миний үйлдвэрийн нээлтийн цэнгүүнд оролцсон нь сумын маань энхрий хайрт мэргэн удирдлага үндэсний үйлдвэрлэлээ сэтгэл зүрхнээсээ дэмжиж байдгийн илэрхийлэл болсон юм.
1 дүгээр сарын 18-ны Дашнямтай, Мэдээлэхүйн барилдлагат өдөр.
Төв орон нутгийн гучин дөрвөн телевиз, тавин долоон радио, наян найман сонины сурвалжлагчдын баг десант буулгалаа. Энэ билэг дэмбэрэлтэй өдрөөс эхлэн орон даяар манай үйлдвэрийн тухай өглөө үдэшгүй ярьж бичих болов. Туршлага судлахаар хаа байгаа эх орны зүүн зах Дорнодын Халх гол сумаас хүртэл хүн амьтан цувлаа. “Си Эн Эн”-ээр манай “Ган тэвнэ” үйлдвэрийн тухай сурвалжлага цацагдав. Би хэдийнэ од болчихжээ.

2 дугаар сарын 4-ний Лусын буулттай, Хутганы ир өдөр.
Сумын засаг даргын Үндэсний үйлдвэрлэлээ дэмжих тухай захирамжийн дагуу Эрээнээс хямд, чанаргүй битүү тэвнэ зөөж ирж зардаг наймаачдын бүх битүү тэвнийг нь нэг бүрчлэн хурааж устгадаг боллоо. Малчид малынхаа чихийг бүдүүлгээр хайчилж таних тэмдэг хийдэг муу зуршлаасаа саллаа. Зүүн чихэндээ нэг битүү тэвнэтэй бол ногоон Лутынх, баруун чихэндээ хоёр, зүүн чихэндээ ганц битүү тэвнэтэй бол чарлаа Дагдангийнх гэх мэтээр ямаагаа ялгадаг сайхан заншил тогтож, техникийн дэвшил гарав.

2 дугаар сарын 10-ны Тэрсүүд өдөр.
Сургуулийн сурагчид монгол хэлний хичээл дээрээ битүү тэвнээр нэмэх хасах үйлдэл хийж, сумын нэг иргэн гурван мянга гучин долоо дахь тэвнээ худалдан авч байтал гай газар дороос гэгч боллоо. Панз Норов, баян Бадарч нарын есөн хүн битүү тэвнийн үйлдвэр байгуулахаар зөвшөөрөл хүссэнийг нь сумын засаг дарга үндэсний үйлдвэрлэлээ дэмжих мөрийн хөтөлбөрийнхөө дагуу машид сайшаан хүлээж авсан сураг дуулдав.

3 дугаар сарын 31-ний Лусын буулттай боловч Модон хохимой өдөр.
Үндэсний үйлдвэрлэлээ дэмжих сумын засаг даргын захирамжийн дагуу нэг хүний худалдан авсан битүү тэвнэ есөн зуун ерэн есөн мянга долоон зууд дөхөж очив. Хүүхдүүд битүү тэвнээ долоон, голоо зогооход хүрч өлсгөлөнд орсон тул сумын ард түмэн бослого гаргахаар шийджээ. Ардууд “Битүү тэвнийг сөнөөхийн төлөө” хөдөлгөөн байгуулан сумын дарга болон үйлдвэрийн эзэн арван хөрөнгөтнөөс бусад бүх хүний гарын үсэг цуглуулсан байна. Хөдөлгөөний тэргүүн чоно Луузан:

-Ажлын долоон өдөрт багтаан бүх битүү тэвнийг эргүүлэн худалдаж авах. Үндэсний үйлдвэр дэмжигч сумын засаг даргыг үг дуугүй огцруулах шаардлага тавьж байна хэмээн өндөр дуугаар тулган шаардах бичгээ уншлаа.
4 дүгээр сарын 5-ны Хутганы ир өдөр.
“Битүү тэвнийг сөнөөхийн төлөө” хөдөлгөөний өлсгөлөн зарласан хүмүүсээс нэг нь талийгаач болж сумын дарга буулт хийхээс өөр аргагүй байдалд орлоо. Хөдөлгөөнийхөн овсгоотой ажиллаж тэртэй тэргүй нарийнтаж үхэх гэж байсан хялгас Даржааг авчирч өлсгөлөндөө оролцуулсан нь монголоор нэг шуугиан тарьсан нь энэ байлаа. Битүү тэвнийн арван үйлдвэр аргагүйн эрхэнд борлуулсан бүтээгдэхүүнээ буцаан худалдаж авах болов.

4 дүгээр сарын 9-ний Тэрсүүд өдөр.
Үйлдвэрлэж зарснаасаа хорь дахин илүү битүү тэвнийг бид буцаан худалдаж авлаа. Аргагүй шүү дээ. Миний туршлагыг дэлхий даяар сурталчилснаас аймгийн арван найман суманд битүү тэвнийн хоёр зуун хорин үйлдвэр ажиллаж байгаа юм чинь. Зэргэлдээ сумын үйлдвэрүүдийн борлуулалтын менежерүүд манай сумын улс төрийн нөхцөл байдлыг соргог мэдрэн капиталист овсгоо гаргаж манай сумын ардуудад битүү тэвнээ хямдхан өгдөг болоод байгаа нь тэр.

4 дүгээр сарын 14-ний Лусын буулттай ховор сайн өдөр.
Дампуурлаас болоод нойр хоолноос гараад байсан миний бие үүр шөнийн заагаар дугхийхдээ хятад хүнд битүү тэвнээ зарж байна гэж зүүдэллээ. Энэ мэргэн санаагаа би авгайдаа ч хэлсэнгүй.

4 дүгээр сарын 30-ны Модон хохимой өдөр.
Монголын 340 сум нэг бүрт доод тал нь арваараа байгуулагдсан битүү тэвнийн үйлдвэрийн бүтээгдэхүүнүүдийг хямд үнээр бөөндөөд Хятад улс руу төмрийн хаягдалд ачуулаад байгаа бизнесийн нууцаа гайтай архинаас болж би задруулчихлаа. Нууц задарсан ч үйлдвэрт оруулсан хөрөнгөө зуу нугалж өсгөж амжсан байсан болохоор нэг их харамссангүй. Тэр орой гэхэд л монгол бүх битүү тэвнэ дээр нэмээд битүү тэвнийн бүх үйлдвэрийн тоног төхөөрөмжүүд урагшаа хил давж байлаа.

Надад одоо сумандаа оёдлын машины зүүний үйлдвэр байгуулах санаа төрөөд байгаа. Чш! Хүнд битгий хэлээрэй!

3 comments:

Anonymous said...

Ha ha he he. Manaiknan iim l ajil khiine shuu dee. Yag mon doo. Tsaad darga nar chine ingedeg l uls ha ha

Э. Баярсайхан said...

Өрөвдөлтэй.

Anonymous said...

[b]Комплект софта LoveBots v 5.2 [/b]

Все для массовой рассылки по сайту знакомств http://24lux.ru/

Скрипт написан на языке php5

[b]Возможности программы:[/b]

[i]регистрация, активация аккаунтов
ручной ввод капчи, либо разгадка через антикапчу
заполнение данных аккаунтов:
- залив нужных фото
- инфы о себе
- заполнение дневника
- сексуальные предпочтения[/i]

гулялка по анкетам, спамер по личкам
- рандомизация сообщений: замена русских букв латинскими аналогами

оптимизирован для работы в непрерывном цикле
регистрация-активация-заполнение-спам-регистрация..

Обновления и поддержка бесплатно.

Цена за комплект 100 wmz

Для первых 10 покупателей цена 70 wmz (от Вас отзыв о софте).

За покупками прошу в icq: [b]588889590[/b] Макс.

Скрины программы:

[IMG]http://i066.radikal.ru/1002/9d/a7a68e8c96ee.jpg[/IMG]

[IMG]http://i054.radikal.ru/1002/19/9db76967c0e5.jpg[/IMG]

[IMG]http://s003.radikal.ru/i202/1002/24/20716e86512e.jpg[/IMG]

В теме не флудить! Пишите отзывы после покупки.

 

Copyright 2007 All Right Reserved. shine-on design by Nurudin Jauhari. and Published on Free Templates